This page may contain traces of nuts!
|
|
| |
|
|
| |
This is where you stick random tidbits of information about yourself.
|
|
|
|
|
|
| |
sunnudagur, júní 15, 2003
Ahhh. Nú er loks komið sumar hérna. Búið að vara massafínt síðustu daga. Í dag var ca 25 stiga hiti, heiðskýrt og heit gjóla. Ég kvarta ekki yfir því. Ég sat hér úti á verönd í morgun og las í bók. Flutti mig svo inn því ég var að kafna úr hita. Sat þá bara inni á stuttubuxunum með opna hurð og leið miklu betur.
Dreif mig svo í parkinn að tékka á stemmingunni. Þar kenndi ýmissa grasa. Fólk lá í pikknikk, með kippu af bjór og poka af crisps, spilaði fóbó, krikkett eða hentist um með frissbí. Ég settist bara á bekk með eina ískalda Pepsi Max og fylgdist með. Svo kom heil lúðrasveit og spilaði nokkur lög og ísbíllinn fylgdi þétt á eftir. Ágætt að hafa svona fínan garð hér hinum megin við götuna. Ég væri alveg ónýtur án hans.
Annars hefur helgin verið róleg. Mæja var að vinna í gær og í dag. Við fórum samt aðeins í bæinn í gær og spókuðum okkur. Ís niðri á höfn og ég keypti mér spariskó (eins og maður kallaði svarta leðurskó í gamla daga). Þetta er eins með sparibuxurnar. Nú heita þær bara buxur. Greinilegt að maður er eitthvað farinn að eldast.
Kominn tími til.
Nú styttist í Íslandsförina. Búið bóka miða með rútu út á Stansted flugvöll á miðvikudaginn. Í loftið kl. átta og lent um tíuleytið um kvöldið á KEF. Við hlökkum bæði mikið til að mæta á svæðið.
Það stefnir allt í að það verði nóg að gera hjá okkur í fríinu. Útskriftarveisla, brúðkaup, partý, fjallgöngur, kröfugöngur, grillveislur, sumarbústaðaferð, teygjustökk, útilega, krómnámskeið, sund, reisugill og sláturgerð. Sem sagt nóg á dagskrá og allir í stuði með guði.
18:30
fimmtudagur, júní 12, 2003
Bloggið hefur átt í smá tæknilegum örðugleikum upp á síðkastið og ekki viljað hleypa mér inn að skrifa. Nú virðist það vera komið í lag.
Lífið gengur sinn vanagang hér í Bristol. Ég er aftur kominn í lærdómsgírinn. Ég hef verið að renna yfir nokkrar bækur um econometrics. Þarf að kenna mér það fag sjálfur áður en ég fer að vinna með gögnin mín í MSc verkefninu. Hef nú bara nokkuð gaman af þessu stöffi. Get sitið hér úti á verönd og tjillað á shorturum með bók í annarri og ekkert í hinni. Veðrið hefur verið þokkalegt upp á síðkastið. Skýjað með köflum og svolítið hvasst en samt hlýtt og oftast sól á morgnana og síðdegis. Í dag er hins vegar rjómablíða og mér sýnist ég vera búinn að taka lit á löppunum í fyrsta skipti síðan á Mallorca 1993. Maður gerir þetta á 10 ára fresti sem sagt.
Mæja er komin undan feldi og hefur ákveðið að kristin trú verði iðkuð hér á heimilinu af miklum krafti. Aðeins oblátur og messuvín á boðstólum (sem er reyndar ekki svo slæmt!) og bænahald á hverjum degi. Rugl er þetta.
Nei, hún hefur ákveðið að taka tilboði Surrey-manna og mun taka MSc í Tourism planning and development í University of Surrey næsta vetur. Þetta er víst voða fínt prógram á þessu sviði, líklega eitt af þeim bestu í landinu.
Skólinn er í Guildford í Surrey og þýðir þetta að við munum flytja þangað fyrir 1. september því þá þurfum við að yfirgefa íbúðina í Bristol. Surrey er einskonar úthverfi í London. Maður er ca 30 mín með lest inn í miðbæ London. Það er mjög gott mál.
Í Surrey býr víst frekar efnað fólk, City brokers og bisnessmenn. Pæntan er líklega dýrari þar en í Bristol og húsaleigan sömuleiðis.
En allt leggst þetta nokkuð vel í okkur. Fínt að nálgast London. Það eru amk fleiri vinnutækifæri þar fyrir mig.
11:52
sunnudagur, júní 01, 2003
Júní mættur.
Maí endaði vel.
Ég kláraði prófin á fimmtudaginn. Gekk nokkuð vel í þeim flestum. Held ég. Eitt prófið var reyndar frekar erfitt og apalegt. Engum gekk vel. Ég gæti verið tæpur þar en það kemur þá bara í ljós. Ég get amk ekki gert neitt í því núna.
Eftir prófið á fimmtudaginn skruppum við bekkjarfélagarnir niður í miðbæ og drukkum öl. Það var sól og hiti og gátum við því setið úti allt kvöldið. Ég og fransmaðurinn Olivier héldum lengst út og enduðum kvöldið á Club Havana í góðum gír.
Daginn eftir var enn og aftur sól og blíða. Ég var kominn á lappir upp úr níu og hélt þá rakleiðis út á lestarstöð og hoppaði upp í lest til Oxford. Planið var að kíkja í mother of all bookstores, Blackwells í Oxford, og kaupa góða bók um econometrics og jafnvel aðra um forecasting. Úrvalið í þessari búð er svo svaðalegt að það hálfa væri nóg. Ég náði í fína bók sem kemur örugglega að góðum notum í MSc ritgerðarskrifum.
Um fimmleytið hitti ég svo Óla Jó og við fórum á þennan líka eðalpub sem stendur alveg við ána Thames (hún heitir reyndar eitthvað annað þar sem hún rennur í gegnum Oxford). Tæplega 30 stiga hiti þennan daginn og við gátum því setið úti og sötrað. Ekki slæmt. Við höfðum náttúrulega nóg að spjalla enda ekki á hverjum degi sem maður hittir félaga frá Íslandi hér í UK.
Við fengum okkur svo að borða á indverskum veitingastað í miðbænum og enduðum heima hjá Óla en þar lumaði hann á Lagavulin viský.
Mjög skemmtilegur dagur.
Svo náði ég lestinni til Bristol kl hálftíu um kvöldið og var mættur heim til Mæju um eittleytið. Hún var að vinna um kvöldið en átti helgarfrí framundan.
Laugardagurinn klikkaði ekki. Sól og blíða í bænum. Við Mæja tókum nettan túristadag í Bristol. Við byrjuðum í miðbænum og kíktum aðeins í búðir og fengum okkur að borða. Næst röltum við meðfram ánni og kíktum á SS Great Britain. Þetta er víst fyrsta stálskip sögunnar, byggt ca 1830 af Islamabard Brunel sem hannaði líka Clifton suspension bridge hér í Bristol. Svo hoppuðum við beint upp í litla ferju sem sigldi með okkur upp og niður ána, inn í miðbæ og út um allt. Mjög ljúft að líða rólega um ána og sjá borgina frá nýju sjónarhorni. Veðurblíðan spillti heldur ekki fyrir. Út um allt var fólk að spóka sig, borða ís, drekka bjór og tjilla. Krakkar léku sér í gosbrunnum bæjarins og greiniegt að Bristol-búar kunna að fagna sumrinu.
Nú var hitinn farinn að segja til sín og við orðinn þyrst. Því var tilvalið að skella sér á besta útipub bæjarins, The White Lion inn. Hann stendur á brún Avon gorge, alveg við Clifton suspension bridge. Það er varla hægt að finna betra location fyrir pub hér í UK.
Eftir einn eða tvo kalda fórum við á mexíkanskan veitingastað í Clifton og enduðum svo kvöldið á nettu rölti um miðbæinn.
Þetta var eðal-Bristol-dagur.
Nú er hins vegar kominn sunnudagur og júní.
Ég er alveg viss um að ég ætla ekki að fá mér öl í kvöld. Ég er ekki frá því að ég sé aðeins ryðgaður eftir afrek síðustu daga. Ég átti hins vegar fullkomnlega skilið að sletta aðeins úr klaufunum eftir að hafa sitið hér inni í stofu vikum saman við lestur og skriftir. Þvílík törn undanfarna mánuði.
Nú er rigerðin hins vegar framundan. Planið er að hefjast handa á morgun. Það þýðir ekkert að leggjast í einhverja leti. Eiginlega hlakka ég bara til að byrja.
Það er málið.
15:51
|
|
| |
|
|
|
