This page may contain traces of nuts!
|
|
| |
|
|
| |
This is where you stick random tidbits of information about yourself.
|
|
|
|
|
|
| |
þriðjudagur, ágúst 10, 2004
Ágúst mættur
Ég get nú ekki beint sagt að ljúlíjúlí hafi verið lengi að líða.
Vikurnar eyddust upp á metttttttíma.
Þetta var vel þokkalega bissí mánuður hér á Stocton Road og því engin ástæða til að láta sér leiðast lífið.
Tvær eðal heimsóknir og tilheyrandi grill og ölstúss og svo náttúrulega vinna hjá mér og ritgerðarskrif hjá Mæju.
Rúnar og Vilborg mættu hingað í fyrri hluta júlí og stoppuðu í tæpa viku. Á meðan á dvöl þeirra stóð náði ég að mæta tvisvar sinnum þunnur í vinnuna - sem ætti að teljast nokkud gott.
Eftir að Rúnar og Vilborg voru á bak og burt leið ein vika þar til Melkorka systir og Elísa frænka mættu á fimmtudagskveldi beint frá Danaveldi.
Kominn tími á að fá þær hingað til Englands.
Eftir tæp tíu ár í Aalborg eru þær náttúrulega orðnar örlítið skemmdar á geðsmunum og hreimurinn orðinn ansi danskur en það var nú samt hægt að hafa mjog gaman að þeim. Sérlega gaman fannst mér að heyra Melkorku tala ensku með dönskum hreim. Hljómaði alveg eins og Peter Smeichel. Hvorki meira né minna.
Daginn eftir að þær mættu rákumst við svo á Mömmu og Pabba á Paddington lestarstöðinni í London. Þau voru líka drifin til Guildford enda nóg pláss á Stocton Road. No worries.
Gestirnir fengu hinn klassíska Binna og Mæju gesta-pakka, þ.e. grillveisla í garðinum + varðeld, labbitúr um nærsveitir og smá öl á helstu pubbum bæjarins. Skothelt stuff enda Guildford med betri stöðum sunnanverðu Englandi.
Næstu daga voru gestirnir svo á flakkinu í London og Oxford og víðar.
Áttum reyndar mjög gott pikknikk í Hyde Park í London á föstudeginum. Brakandi blíða og því tilvalið að sitja í skugga undir tré og raða í sig gúmmelaði í parkinum góða.
Á svona góðum sumardegi verður London eiginlega of heit og yfirþyrmandi og því eina ráðið að flýja í garðana sem eru víða og vel stórir í þessari borg. Alveg ónýtt að rölta um bissí götur í 30 stiga hita með díselstrætó spúandi upp við eyrað á manni og mannmergðina í allar áttir.
Það er nú málið.
Reyndar ætla ég nú ekki að kvarta yfir veðurblíðunni hér um þessar mundir. Tæp 30 stig upp á hvern dag, sól og næsheit. Stuttbuxur og sandalar í vinnu og næstum óþarfi að sofa með sæng.
Þetta er búið að vera svona í rúmar tvær vikur og ég því orðinn þokkalega brúnn á fótunum.
Þokkalega.
Náði meiraðsegja að sóla á mér belginn á sundlaugarbakka núna um helgina.
Við Mæja og Karen Dse German skelltum okkur nebbilega í heimsókn til Rhi í Hampshire þar sem foreldarar hennar búa í vænni villu með öllu tilheyrandi. Vorum mætt um hádegisbil á laugardag og var veðrið í afskaplega suðrænum stíl. Það var því alveg tilvalið að skella sér í sund og sólbað í garðinum og slappa vel af.
Rhi og hennar kærasti voru að fara í eitthvað afskaplega merkilegt boðspartý um kvöldið og varð hún því að skilja okkur þrjú eftir í umsjá foreldra sinna. Þau voru þegar búin að bjóða nokkrum hjónum í garðveislu um kvöldið og vildu endilega að við slægjumst í hópinn.
No problemo sögðu þau enda afskaplega hress og létt á því.
Fyrst vorum við nú ekki alveg viss um að við vildum vera að troða okkur inn í svona voða fínt dinnerboð en þau tóku ekki annað í mál. Búið að leggja á borð í garðinum fyrir okkur og alles.
Við brugðum því á það ráð að skella okkur á næsta pub til að koma okkur í gírinn og mættum svo galvösk í veisluna um áttaleytið.
Gestirnir voru sannkallaðir broddborgarar - posh Hampshire gengi. Það skipti hins vegar engu máli og áttum við boðflennurnar mjög gott kvöld í þessum félagskap. Eðalvín og grilluð önd, púrtvín og stór vindill hjálpuðu náttúrulega til. Og ekki spillti fyrir að sitja úti í garði innan um gosbrunna, logandi kyndla og aðra skrautmuni.
Við Mæja og húsbóndinn, Dr Jeffery, sátum svo úti eitthvað framyfir miðnætti og púuðum vindlana okkar (Mæja var reyndar ekki mikið í vindlunum).
Different but nice.
Daginn eftir var svo farið í golf og krokket og enn meira etið af eðalkræsingum.
Lest heim til Guildford seinni partinn og 2nd day on Monday.
Gaman að því.
14:20
|
|
| |
|
|
|
