This page may contain traces of nuts!
|
|
| |
|
|
| |
This is where you stick random tidbits of information about yourself.
|
|
|
|
|
|
| |
mánudagur, febrúar 24, 2003
Þetta líka fína vorveður hér í dag. Ég er að tala um skínandi sól og líklega um 15 stiga hita.
Mæja fór í ræktina rétt fyrir hádegi og síðan á kvöldvakt þannig að ég er búinn að vera einn hér í mest allan dag. Það er svo sem ekkert nýtt. Maður lifir það alveg af á meðan nóg er að gera og nóg er til að éta.
Mér fannst alveg tilvalið að skella mér í niður í miðbæ í tilefni af þessu góða veðri. Það er alltaf fínt að tölta þar um, meðfram ánni, yfir Castle park, niður að höfn, framhjá styttunni af Cary Grant (einn frægasti sonur Bristol-borgar), fram hjá dómkirkjunni og ráðhúsinu, upp Park Road og að University of Bristol. Ég hef í raun aldrei tékkað neitt almennilega á skólasvæðinu í miðbænum en ákvað að gera það í dag. Skólinn er víst í sama gæðaflokki og Cambridge, Oxford og St. Andrews. Það eru 30 umsækjendur um hvert pláss í skólanum mörg af helstu sjéníum landsins á svæðinu.
Sonur hans Tony Blair hóf nám þarna síðasta haust og þá þurftu foreldrar hans að kaupa handa honum íbúð eins og frægt er orðið, Cherigate málið snérist um þessi blessuðu íbúðarkaup. Reyndar er þetta ekkert skítapleis sem þau keyptu, mig minnir að þau hafi borgað yfir 600.000 pund fyrir. Íbúðin er ekki heldur á slæmum stað. Gaurinn er rétt 2 mínútur að rölta sér í skólann, og er með útsýni yfir alla borgina.
En háskólaþopið sjálft lítur vel út. Liggur í brekku, fullt af gömlum húsum, byggt þétt og stór og flott tré á milli. Sem sagt týpískur gamall háskóli. Ég var svo sem ekkert að eyða neitt miklum tíma þarna enda í öðrum og miklu betri skóla.
Svo þarf nú einhver að fara að taka í hnakkadrambið á Hr. Chirac. Helvítis kjaftur alltaf á honum og ekki er hann laus við hrokann. Hann er víst næstum með alræðisvald í Frakklandi um þessar mundir því þegar forsætisráðherrann kemur úr sama flokki og forsetinn þá fær forsetinn mun meiri völd en ef forsætisráðherrann er úr öðrum flokki (eins og Jospin var). Hann á því örugglega ekki eftir að batna á næstu mánuðum og árum. Bandaríkjamenn hafa víst aldrei nokkurn tíman verið eins pirraðir út í Frakka og mér sýnist að Bretar séu drullufúlir út í þá um þessar mundir. Íraksmálið er náttúrulega aðalorsökin en þegar Chirac bauð Mugabe til Parísar varð allt brjálað hér í UK. Það er því örugglega ekki erfitt að finna Kana eða Tjalla sem væri til í að taka í lurginn á Chirac núna.
22:18
|
|
| |
|
|
|
